Alıntı:
Bizi insân edüben eyledi ehl-i İslâm
Hâlik'ın ni'metine hamd ü senâ eyleyelim
Kâlıba sıhhat ü hem kalbe safâ verdi tamâm
Hâlik'ın lütfuna gel hamd ü senâ eyleyelim
Olup eşcâr kalem olsa mürekkeb ummân
Lütfunun binde birin yazmağa yokdur imkân
Aczden gayrı neye kâdir olurmuş insân
Hâlik'ın ni'metine gel hamd ü senâ eyleyelim
Lütf u ihsânına gâyet mi var ey Hayy ü Kadîm
Yine rahmetle nazar et bize ey Rabb-ı Kerîm
Bu Hüdâyî kuluna eyledin ihsân-ı azîm
Hâlik'ın lütfuna gel hamd ü senâ eyleyelim...
Azîz Mahmûd Hüdâyî
Divan-ı İlahiyat, Azîz Mahmûd Hüdâyî
(195.nutuk)
Osmanlıca'dan Latinize Edenler: Dr. Mustafa Tatçı - Dr. Musa Yıldız
Sahhaflar Kitap Sarayı yayını, sh.447-448