Yesevi Hikmetlerinde "Mürîd"
50 Merdan erür Hak yolını başçıları Mürid birle Hüda ara elçileri Vahdaniyet deryasını yolçıları Astanede barıb derban bolgum kelür
76 İradetsiz uşbu yolğa kirmediler İnâbetsiz yolğa kadem koymadılar İcâzetsiz yarım nefes urmadılar Mürid bolğan bu sıfatlığ bolmak kerek
80 Ey birâder mürid sözi yalğan aytmas Dini süstrak münâfıklar neler demes Ol ezeldin tire-bahtdur özge kelmes Çın ümmetsen iştib Dürûd aytıng dostlar
89 Müsülman müsülmannı kıldı katil Nâhak tutub hak işlerin kıldı batıl Mürid pirge kılmaydılar yüz ü hatır Aceb şumluğ zamaneler boldı dostlar
109 Tarikatga siyasetliğ mürşid kerek Ol mürşidge itikâdlığ mürid kerek Hizmet kılıp pir rızâsın tapmak kerek Mundağ âşık Hakdın uluş alar ermiş
130 Lâhed arâ mürid eger makam tutsa Dervişlikde kırk tört makam andın ötse Şeyhmen teyu binâ koyub otnı yutsa Bimeşakkat tapmaz iman halâvetin
147 Ey mü’minler, oşal şeyhni beyanını, Men aytayın, yahşi tinglen ayanını, Kıyametde yükler mürid günahını, Sırat üzre titreb-kakşab turar ermiş.
166 Halet vakti erenler deryalarğa yüzlense, Tabanları nem bolmay, deryalarnı keçerler. Mürid bolsang mürşidge, mehkem bolğıl, ey talib, Müridlerin mürşidler her bab bilen sınarlar.
173 Pîring gassal, mürid mürde sözleyelmes, Köngül bergen pirdin özge közleyelmes. Haknı tabgan Hakdın özge izleyelmes, Eşitib, ukub, hizmet kılıng, dostlarım a.
175 Muhabbetning şarabın içgen âşık nişanı, Vale bolğan bülbüldek, feryad kılur daima. Mürid mürde, pir gassal, okub yürür hasbi hal, Körey deban ul cemal, cevlan kılur daima.
Müridlerin terbiyet, künde yüz min hasiyet, Özlerin çopan sıfat, çopan kılur daima, Halka kurub erenler, Hu zikrini başlasa, Ul Zikriya payğambar hazır bolur daima.
183 Ukay deseng, pir etegin mehkem tutkıl, Tevbe kılıb dünya malın artka salğıl, Urub nefsni şeyhing üçün özüng satkıl, Şundağ pirge mürid özin satmadı mu?
195 Şeyhman teyu marifetni kıldı beyan, Zahir-batın , evvel-âhir kılsa âyân. Şunkar yanglığ ruhı anıng kılsa teyran, Mundağ bolub mürid yolğa salmas musan?
211 Bu yollarnı tay kılmayın mürşid bolsa, Fasık, câhil mürid bolub, kolın alsa. Mundağ ef’al tanla anda merdud bolsa, Mahşergahnı halkı tamam külmek kerek.
_________________ "Bismillah dep beyan eyley hikmet aytıp Taliblerge dürr ü gevher saçdım mena..."
Hazret-i Pîr-i Türkistan Hoca Ahmed Yesevî [ Qaddesallahu Teala Sırrahul-Azîz ]
|